Dönübdür nağıla dünyanın üzü,
Sönübdür hicranın ocağı,közü,
Tökülüb kədərin,qüssənin gözü,
Dünya sanki,rəngli nağıla dönüb.

Aləm bürünübdür gülə-çıçəyə,
Həsrətin ocağı,atəşi sönüb,
Səadət sultanlıq edir ürəyə,
Dünya sanki,rəngli nağıla dönüb.

Yağır leysan kimi sevgi yağışı,
Yerin üzü sanki,cənnətə dönüb,
Hər tərəf olubdur lalə,bənövşə,
Dünya sanki,rəngli nağıla dönüb.

Insanlar incəlib mehriban olub,
Zaman fırlanıb gözəl dövran olub.
Diyarımız güllü bir cahan olub,
Dünya sanki,rəngli nağıla dönüb.

Müəllif : Ruslan Əliyev