Kaş ki bu millətin olardı beyni,
Əyri-üyrü yollara olmazdı meyli
Sizi inandırım birləşsə bu xalq,
Doğru qarşısında susardı nahaq.

Soyuq qış günündə yetim uşaqla
"Kaş ki" deyib Allaha ümid bağlayar
Şaxta baba gəlsənə Bakıya tərəf,
Bəlkə kimsəsizlərin bir istəyi var?

Kaş ki kanallarımızda olardı vicdan
İnsanların nəyinə gərəkdir yalan?
Verdikləri xaricdəki işsiz səviyyəsi,
Ya da ki səviyəsiz şou-proqram.

Kaş ki müəllimlərə olardı hörmət,
Lügətimizdə hörmətin mənası rüşvət.
İnkişafdan dəm vuran neft ölkəsində,
İnkişaf edəcəkmi haqq-ədalət

Kaş ki anlayardı "lotu qaqaşlar",
Dilənməklə olmazlar cəmiyyətə xeyir.
Məşğuliyyət təsbeh yox,olsa kitablar,
Yəqin dəbdən düşərdi dolya,Üzeyir.

Kaş ki qara qəlbimdə olardı sevgi
Təəssüf... Hər şeyə itib inancım.
Həyat tərzimizə lazımdır silgi
Dəhşətli yanğına belə,lazım qığılcım.

Müəllif:  M.İsayev