Qızım utanıram kəndə qayıtma
Avropanın cırıq şalvarın geyib
...Qızım utanıram kəndə qayıtma

Pəhriz saxlamağın qəlbimi dəlib
Ac qalmısan hətta belin incəlib
Qara gözlərinə yaşıllıq gəlib 
Qızım utanıram kəndə qayıtma

Şəhərə gedəndən olmusan gəlin
Qoyunun yunu tək qıvrılıb telin
Russan Azərisən? Bilinmir dilin
Qızım utanıram kəndə qayıtma

Yanağın böyüyüb, dodağın şişib
Zaqar eyləmisən dərin dəyişib
Sırğanda burnuva gəlib ilişib,
Qızım utanıram kəndə qayıtma

Açıqdı kürəyin, açıqdı sinən
Bu qədər də açıq geyərmi zənən?
Əvvəllər beləmi geyinib nənən?
Qızım utanıram kəndə qayıtma.