Doğru bildiklərim aldatdı məni
Günəşdən xəbərsiz yağan qaram mən
Bədəndə ölmüş bir ruhu gəzdirən
Rahatlıq tapmayan dar məzaram mən
Hər cürə ölümdən dada bilmişəm
Sonuncu ölümüm gələnə qədər
Dirilib-dirlib yenə ölmüşəm
Hələ çox öləcəm, ölənə qədər
Bir dəfə sevinib gülə bilmədim
Nə sevgi, nə də eşq yarıtdı məni
Yaşaya bilmədim, ölə bilmədim
Bəs niyə Allahım yaratdı məni?
Çəkdiyim əzablar çəkilmir daha
Ürəyim sağalmaz yara bağlayıb
Dərdlərim çox ucuz,çarə çox baha
Xoşbəxtlik bəxtimə qara bağlayıb
Yaşadım həyatı bacaran qədər
Qıyıb əl vurmaram alın tərimə
Mən özüm ölsəm də çox heyfim gəlir
Hələki yaşayan ümidlərimə...