Sabahın xeyir, Ana!

Müəllif: _damla_
Şərhlər:
Baxılıb: 1026
Paylaş:
Səs ver:
(səs: 5)
Ana, sənsizliyin çimir aldığı
Gecələr həsrətin güman yeridi.
Yuxu ürəklərin yorğun saldığı
Arzunun qapanan kiprikləridi.

Yenə həsrətimə güc gələr gecə
Yenə də əriyər məzar sükutu.
Yenə kipriklərim kilidlənincə
Yuxu ayaq-ayaq gəzər sükutu.

Yenə sığınaram köksünə, Ana,
Məzar soyuqluğu üşütməz məni.
Mən necə qarğayım o günə, Ana,
O amansız günlər eşitməz məni.

Məni məndən əzəl duyanım Ana
Mənə məndən artıq yanası sənsən.
Dar gündə, çətinim həyanım Ana,
Analı dünyamın anası sənsən.

Sabahın xeyir , Ana!
Sabahın xeyir , Ana,
Sabahlar dünyanın ulu çağıdı
Bu dünya sənin gözlərindi , Ana ,
Gecələr qarası ,gündüzlər ağıdı.
Mənə uğur dilə , xeyir arzula , Ana,
Sabahlar dünyanın ulu çağıdı.

Sabahın xeyir , Ana!
Yuxusuz keçirmişəm bu gecəni də.
Yuxuda itirmişəm
çörəyimə yavanlıq qayğını , Ana,
Yuxuda itirmişəm səni də.
Arzular qırılmış boyunbağıdı
Tökülüb yollara , ay Ana.
Sabahlar dünyanın ulu çağıdı
Mənə uğur dilə , xeyir arzula!

Sabahın xeyir , Ana!
Yenə də qaranlıq dağıldı
Günəş üzə gülən körpədi , Ana,
Buludlar ağappaq bələkağıdı.
Tale gözübağlı ötdü yanımdan
Tale yenə məni görmədi ,Ana,
Mənə uğur dilə , xeyir arzula ,
Sabahlar dünyanın ulu çağıdı.

loading...
(səs: 5)
Şərhlər:
Baxılıb: 1026
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 

Qadın testləri

Aylıq arxiv