Hörümçək tor bağladı

Şərhlər: 3
Baxılıb: 341
Paylaş:
Səs ver:
(səs: 1)
Tariximiz danıldı, 
Uydurma tarix ilə kimliyimiz anıldı- 
Öz kökünü bilməyən gözü küllü bu millət 
Zamanın yollarında hər addımda yanıldıq
Uydurma tarix bizi anamızdan ayırıb, 
Yad anadan alınmış bələkdə qundaqladı. 
Özülümüz laxladı. 
Bu xalqın tarixini düz bildirən, düz yazan 
Tarix kitablarında hörümçək tor bağladı. 
Kimə deyək dərdini bu dövranın, bu günün? 
Vəzifəyə sümsənən, 
Vəzifə kürsüsünün 
Birinci pilləsində bu mərkəzdən noxtalandı. 
Kişiliyi vardısa, bu anda axtalandı… 
Ürəkdəki cəsarət, 
mərdanəlik, 
dəyanət 
talandı, 
tapdalandı. 
Məğrur keçmişimizdən üzüldü əllərimiz, 
Şərəf bildik özgəyə qul olmağı yoxsa biz? 
Hər cürə zülmü udduq. 
Köləliyi qazanıb, kişiliyi unutduq. 
Vicdan, düzlük, həqiqət sürgün oldu bu yerdən, 
Yaltaqlıq və xəyanət silahını yağladı. 
Cəsarət qılıncının ağzı düşdü kəsərdən, 
Qəbzəsində, qınında hörümçək tor bağladı. 

Dilimiz yasaq oldu. 
Ruhumuz qəlbimizdə əbədi dustaq oldu. 
Ruhsuz yaşadıqca biz 
Vicdanımız, eşqimiz 
üzümüzə ağ oldu. 
Biz beləcə yaşadıq, yaşamadıq, süründük, 
Əməlimizdə deyil, sözümüzdə göründük. 
Ruhumuz qan ağladı, 
Məscid qapılarında hörümçək tor bağladı. 

Həqiqət dilə gəldi, 
Dildə ilişdi, qaldı. 
Həqiqətin üstünə yalanlar kölgə saldı. 
Vuruşmadıq, barışdıq 
Biz "azadlıq" adlanın bir uydurma nağılla. 
Ölən düşüncələrlə qəlbimiz yas saxladı, 
Həqiqəti deməkdən elə qorxduq… 
Ağılla 
Həqiqət arasında hörümçək tor bağladı.
 
Müəllif: Bəxtiyar Vahabzadə

loading...
(səs: 1)
Şərhlər: 3
Baxılıb: 341
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
vipbetul
qeseng seirdir
16 aprel 2016 01:12
3
Of,If I stretch my hands,do you hold them in your hands,Sir?
Oh, do you look at my tearful eyes even once?
Offline
lale.veliyeva19
Böyük məna kəsb edir çox sevirəm şairimizin şeirlərini
15 aprel 2016 14:49
2
Offline
BARBI
Seir cox boyuk menaya malikdir. Dahi sair veziyyetleri ve hadiseleri necede gozel ifade edib
15 aprel 2016 07:04
1
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri

Aylıq arxiv

Facebook