Ana dünya

Müəllif: Melek5
Şərhlər: 9
Baxılıb: 2 497
Səs ver:
(səs: 3)
Anamın yanına gəlmişəm Allah,
Bircə gün anasız eyləmə məni.
Ömrümün mənası varlığındadır,
Heç zaman mənasız eyləmə məni.
 
Zəhməti, cəfanı, dözümü görrəm,
Qaşımı, üzümü, gözümü görrəm,
Onun güzgüsündə  özümü görrəm,
Güzgüsüz, aynasız eyləmə məni.
 
O uca bir dağdı, mən kiçik təpə,
O coşqun dalğadı, mən həzin ləpə. 
Anasız ömürlər dəyməz bir çöpə,
Zərrəyəm, dünyasız  eyləmə məni.
 
Zirvənin ağı var saçın qarında,
Eşqin meyvəsi var bağça-bağında.
Üzmək istəyirəm ağ sularında,
Damlayam, dəryasız eyləmə məni.
 
Oğul ana üçün bəydi, paşadı,
Ananın eşqiylə  oğul yaşadı. 
Analı ömürlər toy-tamaşadı,
Toysuz, tamaşasız eyləmə məni.
 
Müəllif:  Zəlimxan Yaqub
(səs: 3)
Şərhlər: 9
Baxılıb: 2 497
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri