Elə bil bərkiyib daşdı ürəyim!
Duyğundan qaynayıb daşdı ürəyim
Ağrıdan inləyib çaşdi ürəyim
Mənə ağrımayan bir ürek verin.

Yanmasın nə sevgi nə eşq oduna
Salmasın o otən günü yadına
Düşməsin kiminsə şər girdabına
Mənə ağrımayan bir ürək verin.

Dərdsiz ürəkləri tanrı doğurmaz
Dəməyin ki mənim dərdim.ağrım olmaz
O hansı ürəkdi söylə ağrımaz?
Mənə ağrımayan bir ürek verin.

Ürək onsuz bilir hər şey ötəri
Hər şey gəldi gedər hər şey itəri
Dünyada dərdlər var dərddən betəri
Mənə ağrımayan bir ürək verin!