Sevdiyim yox, sevgilim ol

Şərhlər: 5
Baxılıb: 2717
Səs ver:
(səs: 2)
Gəl xoşbəxt bir nağıl yazaq
Bir sənə bax, bir mənə bax
Nəyə lazım viranə bağ? 
Bağban olum, sən gülüm ol
Sevdiyim yox sevgilim ol
 
İnsaf umma aydan, ildən
Gül olarmı solmuş güldən? 
Bir gün mən də düşsəm əldən
Bir ayağım, bir əlim ol
Sevdiyim yox, sevgilim ol
 
Bax, qəddimi əydi dərdim
Xətrimə çox dəydi dərdim
Mənim olsan nəydi dərdim?!
Kədərim ol, nisgilim ol
Sevdiyim yox, sevgilim ol
 
Qanun yazıb, qayda pozaq
Ayrılıqdan, dərddən uzaq
Məhəbbətlə alovlananaq
Mən odlanım, sən külüm ol
Sevdiyim yox, sevgilim ol
 
Duyğularım dindi yenə
Sənsiz hər gün zülüm mənə
Mən xəstəyəm, gülüm sənə
Ya şəfam ol, ya ölüm ol
Sevdiyim yox, sevgilim ol
 
Doymaq bilmir gözüm səndən
Tamarzıdır nazım səndən
Hər gün yazıb-pozum səndən
Şeirim ol, qəzəlim ol
Sevdiyim yox, sevgilim ol...!
 
Rəvan Məmmədli
(səs: 2)
Şərhlər: 5
Baxılıb: 2717
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri