Mənimlə salamı kəssən də belə,
Bil ki,sarı simdə neçə izim var.
Məndən incisən də, küssən də, belə, 
Sənə deyiləsi neçə sözüm var...
 
Mən külək deyildim,keçdim yanından,
Səndən nə umurdum, sənsə nə verdin...
Deyəsən,çıxmadım imtahanından,
Sözünü deməmiş sən, üz çevirdin...
 
Sənə də inamım itib, azalıb,
Daha təsəllindən göz çəkəsiyəm.
Nə, sənə yalvarmaq həvəsim qalıb,
Nə də ki, qarşında diz çökəsiyəm...
 
Ovutmaq üçünmüş vədələr, sözlər,
Başqa rəng çalırmış həyatın xası.
Daha xeyallarda yolumu gözlər,
Ömür qatarımın itən durnası...
 
Vaqif Məmmədov