Nə eşqdən anlamırsan nə imandan, nə dindən,
Deyirsən unut məni, cıxar at ürəyindən
Küsməyə bir səbəb yox, küsüm sənin nəyindən?
Məni ki, tanıyırsan bilirsən necə tərsəm
Səni hər gün biraz da, daha da cox sevəcəm
Demə mənə ayrılaq, uzaq ol məndən demə,
Yüz-yüz bəhanə ilə gəlmə mənim üstümə,
Nə qədər qürurlanıb gülüm dursan qəsdimə,
Məni ki, tanıyırsan bilirsən necə tərsəm
Səni hər gün biraz da, daha da cox sevəcəm
Soyuqluq eyləyirsən dərd edirsən havanı,
Düz sözü səhv eyləyib yaradırsan davanı,
Belə el məsəli var "beyni qandı cavanın"
Məni ki, tanıyırsan bilirsən necə tərsəm
Səni hər gün biraz da, daha da cox sevəcəm
Hələ əl izim qalıb sənin əl izlərində,
Sevgimin işartısın görürəm gözlərində,
Gözlər yalan danışmır, yalan var sözlərində,
Məni ki, tanıyırsan bilirsən necə tərsəm
Səni hər gün biraz da, daha da cox sevəcəm