Dəyişib dövrü-zaman hamı gömannan danışır,
Molla rüşvətxanadan, kafir imannan danışır.
Bir zaman eşşəyimiz arpa bəyənməzdi bizim,
İndi eşşəyimiz ölüb at da samannan danışır.
Qalmayıb sevgi, məhəbbət işığından bir ümüd,
Məcnun artistlik edir, Leyli yalandan danışır.
Keçmişdə məşhur olan "qəhrəman aslanlarımız",
Meşəyə girmək üçün indi siçandan danışır.
İstədim dillənib öz haqqımı isbat eləyim,
Dedilər pulsuz olan insan haçannan danışır?!