Bir qız bu gün
Yuxu basmış
xəyalımı salamladı.
Bir cüt gözlər
Ürəyimi nişanladı.

O baxışı duya-duya
Kipriyimlə od götürdüm.
O gözlərdə
alov gördüm,
Atəş gördüm,
sevgi gördüm.

Necə deyim ona görən
Qan ağlatdı mənə illər?
Sevə bilmək qüdrətimi
Alıb qaçdı coşqun sellər...

Necə deyim- bir gözələ
Vurulandan üzüm gülməz?
Həyatından əl götürər,
İnadından dönməz...
dönməz...

Necə deyim, - Ümidlərim
Heç vaxt yanmaz, 
heç vaxt sönməz?
Necə deyim, - Belə sevən
Qeyrisini sevə bilməz?

Necə deyim, sızlatmayım
Bir ürəyi acı-acı?
Necə deyim, bilə-bilə
Çox ağırdı yox cavabı?

Vahid Çəmənli