Son xatirəm

Şərhlər: 4
Baxılıb: 2 297
Səs ver:
(səs: 1)
Dedin, son xatirəm quru şəkildi,
Yazdın, unudanda baxarsan ancaq.
Mən səni unutsam...düşündünmü bir,
Şəklin səndən əvvəl unudulacaq...

Bilirəm, bir daha dönməyəcəksən,
Əksin - yanan eşqin bir ovuc külü...
Özün yad ürəyi dinləyəcəksən,
Şəklinsə, qəlbimin döyüntüsünü.

Səni saxlamağa çatmadı gücüm,
Açılan nə vaxtsa solmalı imiş.
Şəklini vərəqə köçürmək üçün
Arada neqativ olmalı imiş.

Bu soyuq kağızda sevinc donubdur,
Kədərin hardasa, yol gəlor hələ.
Üzüne xəfif bir gülüş qonubdur,
Hicrana baxırsan sən gülə-gülə...

Bir anın hökmüylə dəyişir insan,
Necə əziz idi bayaq bu şəkil.
Sən özün bir sevgi xumarındasan,
Həmişə oyaqdır, oyaq bu şəkil.

Bir kağız üstündə donan ümidin 
Qəmli gözlərində əbədi ocaq,
Şəklin vaxtı sayan saat kimidir,
Yadıma düşəndə baxıram ancaq...

Nüsrət Kəsəmənli
(səs: 1)
Şərhlər: 4
Baxılıb: 2 297
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri