Sən gəl təbiətin min rəsmini çək,
İnan, lazım deyil nə gül, nə çiçək,
Göylərdən, yerlərdən, qələmdən əl çək,
Ən gözəl mənzərə bir Fidanda var.

İlhama, vəcdəyə, cuşa gələrək,
Dünyanın dərdinə sinə gərərək,
Meşələr, ağaclar nəyimə gərək?
Bizə nəfəs verən Fidanımız var.

Gün o gün olsun ki, dərdim əlacı,
Başına dolansın el, qardaş-bacı.
Söyləyim, bağımın pöhrəli tacı,
Çinara çevrilmiş Fidanımız var.