İndi solub diləklər də,
Solub getmiş çiçəklər tək.
Həsrət yüklü ürəklər də,
Həsrət dolu şəhərlər tək.

Artıq qara qış günüdür
Ürəyimin can evində.
Sənsiz hər yer boş kimidir
Keçmək bilmir günlərim də.

Ağrı bitmir, acı bitmir,
Sevinc gəlmir,kədər getmir
Gözlərin gözümdən itmir
Silinməyir izlərin də.

Nə olacaq bilinməyir
Əvvəlimiz sonumuz da.
Bəlkə də heç dayanmayıb
Vüsal bizim yolumuzda.

Gör nə idi niyyətimiz
Necə oldu qismətimiz.
Ayrı olsa da mənzillər
Bir vuracaq qəlblərimiz.