Hardasan harda Səhər dan yerindən çıxan günəşim,
Dağlar arxasından baxan günəşim,
Həsrəti qəlbimi sıxan günəşim,
Hardasan, harda?..

Söylə, alovlanıb yanan o ürək,
Söylə, məni günəş sanan o ürək,
Sonradan əhdini danan o ürək,
Hardasan, harda?..

Yoxsa duman olub göyəmi qalxdın,
Yoxsa gözlərimə son dəfə baxdın,
Payız yarpağı tək sudamı axdm,
Hardasan, harda?..

Mən xoşbəxt olsam da qəmsiz deyiləm,
Sənsizləmişəmsə sənsiz deyiləm,
Ürək telli sazdır, bəmsiz deyiləm,
Hardasan, harda?..