Səni axtarıram mən, yağışın damlasında,
Dənizin dalğasında, əsən külək səsində.
Səni axtarıram mən, parlayan ulduzlarda,
Çiçəklənən ağacda, qönçə güllər içində.
Səni axtarıram mən, oxunan hər nağılda,
Dağlarda, dərələrdə, baxçada, çəmənlərdə.
Səni axtarıram mən, qurduğum arzularda,
Zamanın darlığında, səhralıqda, hər yerdə.
Səni axtarıram mən, quşların nəğməsində,
Aşiqlərin bağında, sevgi olan hər yerdə.
Nə qədər axtardımsa, səni tapa bilmədim.
Hardasan sən, qayıt gəl, məni məyus etmə gəl.
Səni harda axtardımsa, orda ünvan qoyub getdim.
Dedim bəlkə, xəbər alıb, məni yada salasan sən.
Əgər birdən düşünsən ki, gecikmisən, çatmamısan.
Bircə bunu unutma ki, səni hər gün gözləyəcəm.
Yetər ki, sən qayıt gəl, məni məyus etmə gəl.

İmanova Gülyanə