Ümidimə daş ver getsin
Bu halımı sorma daha
Məni qırdın boş ver getsin
Başqasını qırma daha

Sus daha cıxmasın səsin
Sal toruna sən özgəsin
Bu sevda vurdu zərbəsin
Birində sən vurma daha

Elə yandım qaldı külüm
Sevgin mənə verdi zülüm
Illər məni yordu gülüm
Bir azda sən yorma daha

Ayrılığa gərək dözüm
Yoxsa alov olar közüm
Get səni görməsin gözüm
Yolum üstə durma daha