Sən mənim ən böyük gerçəyimsən, Dağılan parçalarımsan, Qırılan ümidlərimsən, Sən mənim "mənim"sən Evimin dörd küncüsən Otağımın pəncərəsi Heç gecikmədiyim görüş yerisən Sən mənim alovuma külək kimisən Qollarımın yorgunluğu, Gözlərimin qırmızısı Ölmədən öncə yazacağım son yazısan. Sən başımın bəlasısan, Heç qaçmaq istəmədiyim. Sən mənim itirmədiyim saflığımsan, Sən içimdəki uşaqlıq, Üzümdəki nikbinliksən. Səndən yazmaq gözəl olur, Sənə yazmaqdan da belə. Sən mənim heç kimin verməyəcəyi azadlıqsan. Və sonunu bitirə bilmədiyim bir yazısan..