Onu mahnılarda axtarmışam mən
Qəmli anlarımı o bilməyəcək
Onu şerlərdə yasatmışam mən
Nə acı duyğudur o bilməyəcək

Payız yagışında islandığımı
Mən yalnız onuncün yarandığımı
Öz gözümə belə qisqandığımı
Hardan biləcəkki o bilməyəcək

Hərdən için için ağlayaraq mən
Dəli dənizlərtək cağlayaraq mən
Gecə gözlərimi bağlayaraq mən
Onu andığımı o bilməyəcək

Mən ondan yazıram sonra pozuram
Onlu yuxuları hər cür yozuram
Mən özüm özümə qəbir qazıram
Ölsəmdə qalsamda o bilməyəcək