Ağzı xeyir sözlüm,incimə məndən
Yar yardan ayrılmaz,bülbül çəməndən
Demə ki,düşmüşdür saçlarıma dən
Ürək qocalmayır,ürəyim sənsən

Mən qul olmamışam şöhrətə,ada
Sənsiz yaşamayım bir gün dünyada
Gözəllər,cananlar min-min olsa da
Mənim bu dünyada mələyim sənsən

Könül heç doyarmi sən tək gözəldən?
Sən oldun qismətim,hökmü-əzəldən
Sağ olsun bu xeyir işi düzəldən
Müqəddəs əməyim,diləyim sənsən.

Yusifin,Vaqifin görüm var olsun!
Aybəniz hamıdan bəxtiyar olsun!
Yüz il də Vurğuna,Xavər yar olsun!
Ən əziz sirdaşım,köməyim sənsən.

P.S-Dəftərimdən növbəti paylaşim olan bu şeir dahi şairimiz Səməd Vurğunun həyat yoldaşı Xavər xanıma yazdığı şeirdir.Sözlərindən də bəllidir,gözəl ürəkli şairimiz ömür gün yoldaşıni necə dərin məhəbbətlə sevirmiş.Hər bir qadının sevdiyindən eşitmək istədiyi sözlərdir.Allah ikisinin də ruhlarını şad eləsin.