Sən ömrümə bir rayihe,xoş meh kimi gəldin
Gəldin də...şirin bir yuxu,röya kimi getdin

Mən yatmış idim...birdən ayıldım da bayildim
Sən çıxdın əlimdən...dolu dünya kimi getdin

Sənsizliyə dözməm,evim,övladım adımsan
Sən canlı əlifbam,əlifim ..."A" kimi getdin.

Qaşlar qara,gözlər qara...üz Ay kimi aydın
Ay nuru,günəş nuru və dərya kimi getdin.

Sən ömrümə bir rayihə,xoş meh kimi gəldin,
Gəldin də... Şirin bir yuxu,röya kimi getdin.