Sən getdin,yığışıb köçəndə bahar,
Gecələr uzanıb həsrətin kimi.
Görəsən səkidə ölən yarpaqlar,
Sənə söylədiyim sözlərimdimi?

Sən getdin,Payız da bir az dəyişib,
Elə bil hər ilki payızdan deyil.
Bağların saçına sarı dən düşüb,
Ağaclar qocalıb bir az elə bil.

Sən getdin,mənə nə?Heç darıxmıram,
Sənsiz göy tutulur,qaralır qanım.
Darixib səninçün yola çıxmıram,
Göyün gözü dolur,qaralır qanım.

Getdin,yağış axsan,başqa səmtə yağ
Günəşə baxmaram bilsəm senindir.
Sənsiz mən payıza dözməzdim,ancaq,
Qayıtma,ona da öyrəşdim indi.


MÜƏLLIF - FIKRƏT QOCA