Tərkibi
xəmir üçün
4 st un
1 st qatıq
1 ədəd yumurta 
3 xorək qaşığı şəkər tozu 
 1st iliq su
 1cay qasigi maya 

İçlik üçün 
300qr qoz
300qr şəkər tozu
200qr yağ

Hazırlanması
4 st unu bir qaba töküb üzərinə yumurtanı qatığı  şəkər tozunun suyu və mayanı qarisdiraraq xəmir yoğururuq . Xəmir yumşaq olmalıdır. Hazır olandan sonra xəmirimiz 2 saat qalmalıdır. 2 saat dincələn xəmiri sonra  5 ədəd kündə düzəldirik

Bu kündələri yayırıq. Nə qədər  nazik aça bilsək o qədər  gözəl alınar. Yuxaları yayıb çoxlu unlayaraq bir qırağa qoyuruq.İndi isə 200 qr yağı əridirik. Yayılan yuxaları  bir-bir açaraq arasını  şirniyyat şotkasının köməyi ilə yağlayırıq.Sonra bu formada kəsirik

Sonra 300qr qozu  doğrayıcıda üyüdüb şəkər tozunu əlavə edirik. Kəsilmiş üçgünc formada olan xəmirin 
arasına 1 çay qaşığı hazırladığımız qozlu içlikdən qoyub bu formada bükürük

Hazir olan burmaları 1 saat saxlayırıq, sonra  üzərlərini yumurtanın ağı ilə  yumurtalayaraq 180 dərəcə qızdırılmış sobada üstü qızrana qədər bişiririk. Sonra isə şəkər pudrası səpirik üzərinə .
Əziz xanımlar. Sadə və dadlı olan bu şirniyyatı sizinlədə paylaşmaq istədim 
Nuş olsun!