Bu
insanların fotoları dünyanın müxtəlif ölkələrində və müxtəlif illərdə
çəkilib. Amma onları birləşdirən ortaq məqam baxışların insanlara az
qala hər şeyi izah etməsidir.
Məsumluq: "Mavi
gözlü uşaq” adlı bu foto fotoqraf Vanessa Bristov tərəfindən çəkilib.
Foto dərc edildikdən sonra bir çoxları Bristovun "Photoshop” hiyləsi
işlətdiyini bildiriblər. Lakin fotoqraf bu iddialara uşağın digər
fotolarını da paylaşaraq cavab verib.
Şok: İtaliyalı
hərbçi Antonio Metruccio Əfqanıstanda 72 saat davam edən bir
qarşıdurmadan sonra sanki başqa bir insana çevrilib (2010).
Ehtiyat: 1972-ci
ildə anadan olan Şarbat Gulanun fotosu 1985-ci ildə "National
Geographic” jurnalının üz səhifəsində dərc olunub. Bundan sonra
məşhurlaşan Gula puştun mənşəli Əfqanıstan vətəndaşıdır (1984).
Rahatlıq: Ürək
nəqli sahəsində elmi fəaliyyəti ilə tanınan polşalı həkim və siyasətçi
Zbignev Reliqa 23 saat davam edən uğurlu əməliyyatdan sonra istirahət
edir. Köməkçisi isə bir küncdə yatıb. (1984).
Dəlilik: II Dünya Müharibəsində səngərdə döyüşdən sonra şoka girən bir əsgər (1916).
Nifrət: Adolf
Hitlerin ən yaxın silahdaşlarından olan Göbbels onu fotosunu çəkən
Alfred Eysenstaedtin bir yəhudi olduğunu bilənə kimi gülümsəyir. Foto da
məhz Göbbels gerçəyi öyrəndiyi anda çəkilib (1933).
Çarəsizlik: Varşavadakı bir səkiyə uzanan və aclıqdan ölmək üzrə olan qadın (1941).
Təslim: 1941-ci
ildə Ukraynanın Vinnitsa bölgəsi və ətrafındakı 28 min yəhudi nasistlər
tərəfindən öldürülərək kütləvi məzarlara doldurulur. Bu foto bir alman
zabitinin şəxsi albomundan götürülüb (1941).
Məğlubiyyət: Sovet əsgəri Stalinqrad döyüşlərində əsir aldığı alman əsgərini əsirlərin yanına aparır (1943).
Qorxu: 15
yaşında bir alman əsgəri 3 aprel 1945-ci il tarixində ABŞ-ın 9-cu
ordusu tərəfindən əsir alınır. Henkenin atası 1938, anası isə 1944-cü
ildə ölüb, özü isə həyatda qala bilmək üçün orduya qatılıb (1945).
Yorğunluq:
1945-ci ildə Almaniyada müttəfiq qüvvələri tərəfindən bir alman əsir
düşərgəsindən azad edilən amerikalı əsgər. Uzanan əsgər əsirliyin bütün
yorğunluğunu üzərindən atmaq istəyir.