İlk növbədə bunun üçün çox yaxşı bir ustaya müraciət etməlisiniz. Əgər şəxsi ustanız varsa və onun işi sizi tam qane edirsə, elə onunla məsləhətləşə bilərsiniz, əgər tanıdığınız usta yoxdursa mütləq axtarışa başlayın, şəhərimizdə hazırda kifayət qədər kişi salonları var.
Qeyd etmək lazımdır ki, gəlinlik saç düzümləri kimi bu xidmət növünün də qiymətləri müxtəlifdir, ona görə işinizi elə qurun ki, son anda pis vəziyyətdə qalmayasınız.
Saçınızı toydan bir neçə gün əvvəl kəsdirmək lazımdır. İstəməyəcəyiniz və bəyənməyəcəyiniz bir forma olarsa, sonradan bunu düzəldə bilərsiniz. Həmçinin, saç kəsimdən bir neçə gün sonra öz formasını alır.
Beləliklə də, toy günü saçınıza bir az əl gəzdirməklə gözəl saç düzümünə malik ola bilərsiniz.