Qısqanc kişi ilə nə etməli!?

Müəllif: Mr. OffiCeR
Şərhlər: 5
Baxılıb: 4 932
Səs ver:
(səs: 3)
Yəgin ki, "qısqanır – deməli sevir" ifadəsi hamıya bəllidir. Gəlin təhlil edək, bu ifadə nə dərəcədə doğrudur. Qısqanclığı tez-tez büruzə verilməməsi müəyyən mənada xoş ola bilər, qarşılıqlı hisləri bir az da gücləndirə bilər və bu da siz həmin kişiyə qarşı biganə olmadığınızı göstərər. Səbəbli yaxud səbəbsiz olaraq insan qısqanclıq hissini büruzə verərkən qəzəb doğurur və bu da qıcıqlanma yaradır. Bu cür şəraitdə nə etməli?! Qısqanc kişiylə necə mübarizə aparmalı?

Qısqanclığı yarada biləcək bir çox səbəblər var və buna səbəb yalnız başqa kişi amili olmaya da bilər. Həmçinin, uşaqlara, karyerada qazanılmış uğura, başqa insanların şan-şöhrətinə qarşı da qısqanclıq yarana bilər. Müxtəlif səbəblərdən qısqanclıq yarana bilər. Kimisi öz iradlarını sakit tərzdə bildirir, kimisi isə hiss və emosiyaların əsiri altında, sağlam düşüncədən kənar şəkildə bildirir. Belə vəziyyətdə kişilər düşünülməmiş addımlar atırlar ki, bu da sonda peşman olmalarına gətirib çıxarır. Qısqanclıq yaradan səbəbin əhəmiyyətsiz olduğu və yaxud heç bir səbəbin olmadığı məqamlarda qadınlar nə hiss edir?! Buna görə də məxsusluq hissinin yaranması zamanı mübarizə aparmaq lazımdır.

Qısqanc kişinin öhdəsindən gəlməyə cəhd etməzdən əvvəl, qısqanclığı yaradan səbəbləri müəyyən etməyə cəhd edin. Ola bilsin ki, siz ona daha çox diqqət yetirməlisiniz. Ola bilər, siz vaxtın çox hissəsi işə, uşağa ayırırsınız, ona isə az vaxt ayırırsınız. Bu halda uşaqları nənəsigilə və ya dayənin himayəsinə qoyun və özünüz restorana, kinoya gedin və valehedici romantik axşam təşkil edin. Həyat yoldaşınızın gündəlik həyatı, öz həyatı barədə maraqlanın. Onu bir an belə olsun unutmayın. Siz tədricən görəcəksiniz ki, ailə həyatınızda olan söz-söhbətlər, dava-dalaşlar, qısqanclıqlar yox olmağa başlayır, çünki bunu yaradan səbəbləri aradan qaldırmısınız.
 
Əgər həyat yoldaşınız sizi başqa kişilərə qısqanırsa, o zaman öz davranışlarınızı kənardan qiymətləndirməyə çalışın. Ola bilsin ki, siz özünüz də bilmədən sevdiyiniz insana qısqanclıq səbəbi verirsiniz. Öz tanışlarınıza qarşı səmimi bir təbəssümünüz özü-özlüyündə heç bir pis niyyətli anlam daşımır, lakin ola bilər ki, həyat yoldaşınız sizin bu hərəkətinizi tamamilə başqa yöndə anlayır və bunu flirt kimi qiymətləndirir. Ola bilər ki, siz açıq-saçıq geyinirsiniz, bu da həmçinin qısqanclıq üçün səbəb ola bilər. Belə olan halda qısqanclıqla mübarizənin bir üsulu var: Öz tərəf müqabilinizi qısqanclığa təhrik etməmək. Özünü daha təmkinli aparın, qarderobunuzu dəyişin. Hər ikinizin fikirlərində ortaq məxrəcə gələrək güzəştə getməyə çalışın.
 
 Qısqanclığın səbəblərindən biri da həyat yoldaşınızın özünə inamsızlığı ola bilər. Buna görə siz ona özünüqiymətləndirmədə kömək etməlisiniz ki, onun özünə inamı artsın. Bunun üçün onu tərifləyin, onun təqdirəlayiq bütün hərəkətlərini yüksək qiymətləndirin, həvəsləndirin. Ona valeh olduğunuzu hiss etdirin, göstərin ki, siz ona ehtiyac duyursunuz. Yalnız bu cəhdlərinizi ifrat dərəcədə edib, onun sizə yüksəkdən aşağı baxmasına imkan verməyin ki, sonra siz onun özünəinamını normallaşdırmaqla mübarizə aparmalı olasınız.

Bəzən kişilər özləri günahkar olduqlarına görə qısqanır. Bu zaman siz bu məsələni həll etmək istəyinizin olub olmaması barədə qərar verməlisiniz. Hər şeydən asanı ayrılmaqdır – lakin bu çıxış yolunun sizə xoşbəxtlik gətirib-gətirməyəcəyi əsas məqam kimi düşünülməlidir. Ən yaxşısı budur ki, siz elə edin ki, həyat yoldaşınız sizi qısqanacaq heç bir səbəb görməsin və özü də sağa-sola baxmasın.
(səs: 3)
Şərhlər: 5
Baxılıb: 4 932
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri