Çoxlarımız
bəzən münasibətlərdə "sən çox yaxşı birisən, səninlə olanda çox maraqlı
olur amma məndən daha artıq bir şey gözləmə, mən ciddi bir münasibətə
hələ hazır deyiləm" kimi ifadələri eşidirik. Sevgili namizədinizdən bu
cür sözlər eşitmək yəqin ki, sizi bir xeyli də incidə bilər. Amma əmin
olun ki, bu ifadələr bağlanmaq qorxusu olan bir kişinin əlamətlərindən
xəbər verir. Sən də, belə bir haldan narahatsansa Qadınlar.biz in
verdiyi məsləhətlərə əməl edərək bağlanmaq qorxusu yaşayan sevgili
namizədini normal birinə çevirə bilərsən.
Min bir bəhanə uydurmadığından əmin ol
Güclü
cinsin nümayəndələri bəzən münasibətə hazır olmadıqlarını açıq
şəkildə, çəkinmədən dilə gətirirlər. Bunu da bəzən "bağlanmaqdan
qorxuram" ifadəsi ilə bəzəyirlər. Təbii bir çox kişilər bağlanmaqdan
qorxurlar. Amma bunu dilə gətirməyərək hərəkətləri ilə ifadə etməyə
çalışırlar. Əgər münasibətdə olduğun biri sənə "mən münasibəti
irəlilətmək istəmirəm, bağlanmaqdan qorxuram" deyirsə mütləq buna əmin
ol ki, bu doğrudan da belədir. Əks halda sənə belə deyib, gedib başqa
qızlarla görüşürsə, atalarımız demişkən, zərərin yarısından da dönsən
kardır.
Bu qorxunun səbəblərini axtar
Deyək
ki, sevgili namizədinin bağlanmaqdan qorxduğunu öyrəndin. Bu öz
yerində. Əsas məsələ onun bu qorxusunun səbəblərini araşdırıb
tapmağındadır. Əsasən, bu qorxunun iki səbəbi ola bilər: ya ailəsinin
ona təsiri, ya da ki, əvvəlki sevgilisi onu aldadıb. Bu səbəbləri
öyrəndikdən sonra başlayın bu səbəbləri yox etməyə.
Hədəfinə səbrlə irəlilə
Münasibətinlə
bağlı böyük planların, arzuların varsa bunlara yavaş-yavaş nail
olacaqsan. Çünki qarşındakı heç də "mükəmməl sevgili" tərzində biri
deyil. Təbii ki, arzularından imtina eləmə, sadəcə, bir az səbrli
ol. Onun istəklərini qəbul edib, öz istəklərini ikinci plana atmaO
sevinsin, xoşbəxt olsun deyə onun dediyi hər şeyi etməli deyilsən. Çünki
mütləq o hər şeyin içində sənin istəmədiklərin də var. Sən də öz
istəklərini dilə gətir. Bir gün münasibəti irəlilətmək istəməyib,
bağlanmaq qorxum var deyib, gedib başqaları ilə görüşəndə pis olan sən
olacaqsan. Ona görə də özünü ikinci plana atma. Unutma ki, bir münasibət
necə başlayarsa elə də davam edər.
Sənə güvənməsini təmin et
Əks
cinsin nümayəndəsi özünü rahat hiss etsin, münasibətdən qorxmasın deyə
onunla dost kimi əlaqə yarat. Problemlərindən tutmuş kariyera planlarına
qədər bölüş. Eyni ilə də çalış ki, o da, səninlə bu şəkildə danışsın.
Beləliklə, onun sənə daha da güvənməsini təmin etmiş olarsan.
İnadkar olma
Bağlanma
qorxusu olan bir kişi ilə münasibətdə olmaq çox çətindir. Və çox da
əmək tələb edir. Münasibətdə tez-tez onu gəzməyə gedək, filmə gedək kimi
inadcıl istəklərinlə bezdirmə. Bu kimi şeyləri istəyə bilərsən. Amma
bunu daha inadkar formaya salma. Həm də ki, belə kişilərlə davamlı
olaraq evlənməkdən, uşaqdan, ailədən danışma. Çünki bağlanma qorxusu
olan kişi səndən sürətli şəkildə uzaqlaşacaq.
Tək qalmasına şərait yarat
Əgər
qarşınızdakı kişi bağlanma qorxusu yaşayırsa onu bu qorxudan azad
etməklə həm də, özünü onu itirmək qorxusundan azad edəcəksən. Bunun üçün
ona tək və ya dostları ilə birlikdə olacağı şəraitini yarat. Və sən də
onunla olmayanda tez-tez ona mesaj yazma, çalış öz rəfiqələrinlə görüş
ya da tək olmağın dadını çıxart. Bu zaman o münasibətdəki qorxunu hiss
etməyəcək üzərində, eyni zamanda hələ də azadlığını hiss edəcək
və bağlanma qorxusunu tezliklə aşacaq.
Ehtimalları unutma
Düzdür,
bunu qəbul etmək çətindir. Amma unutma ki, münasibət həmişə "yağ
kimi" olacaq deyə anlayış yoxdur. Yəni, hər şey sən istədiyin kimi
yolunda getməyə bilər. Və bil ki, bağlanma qorxusu olan biri ilə
münasibətdə olmaq və onu dəyişdirmək üçün əmək sərf etmək çətindir.
Həmişə də müsbət nəticə verməyə bilər. Çünki sən nə qədər əmək sərf
etsən də, qarşındakı o əməyin yarsını belə sərf etmək üçün çalışmaz. Bu
zaman da pis olan tərəf sən olarsan. Ona görə də belə olduqda özünə bir
yaxşılıq et, yol yaxınkən dön.