İlk baxışdan aşiq olmaq… İlk söhbət… İlk görüş… Münasibətlərin əvvəlində
bunlar hamısı cazibədar və gözəl görünür. Lakin bəzi şeyləri uzun
müddət davam etdirmək olmur. Münasibətlər davam etdikcə, dərinləşdikcə
ortaya başqa məqamlar da çıxır. Kişi və qadın – iki fərqli dünyagörüşü,
psixologiya, həyat tərzi, düşüncəyə malik olan insanın birlikdəliyində
də bəzən ortaq olmayan, üst-üstə düşməyən məqamlar olur. Münasibətlərin
uzun müddət davam etməsinin bəzən qadından, bəzən də kişidən asılı
olduğunu deyirlər. Sözsüz ki, bu, hər iki tərəfdən asılıdır. Lakin
qadınlar xüsusilə diqqətli olmalıdırlar. Qadınların münasibət əsnasında
unutmaması lazım olan bir sıra həqiqətlər var.
— Unutmayın ki, ilk altı ayın başgicəlləndirici xoşbəxtliyi mütləq sona
çatacaq və münasibətlərdə cansıxıcı anlar, bəzi problem və çətinliklər
də yaşanacaq. Buna görə ruhdan düşməyin. Çünki tək başına yaşlanmaq,
həyatını tək keçirmək də ürəkaçan, həyəcanverici deyil.
— Uşaqlığınızda olan problemlər və onların fəsadlarının günahını tərəf
müqabilinizdə axtarmayın, onun bunları həll etməsini gözləməyin. Bunlar
sizin məsuliyyətinizdir. Eyni şey onun üçün də keçərlidir. Sadəcə
bir-birinizə qarşı anlayışlı davranmanız kifayətdir.
— Uzun müddətli əlaqələrin bəzi üstünlükləri var: rahatlıq, dəstək,
güvən duyğusu. Amma bunları davam etdirmək göründüyü qədər asan deyil.
— Günün birində münasibətlərinizdən imtina etmək məcburiyyətində qala
bilərsiniz. Övladlar bu vəziyyəti daha da çətinləşdirir.
— Münasibətlərinizin möhkəm və dayanıqlı olduğunu düşünsəniz də,
aldadılmayacağınıza dair heç kim sizə zəmanət verə bilməz.
— Maddi çətinliklər və stress də sizə problemlər yaşada bilər.
— Münasibətlərin həqiqətən çətin dövrü toydan sonra başlayır.
— Sevgi hər zaman kifayət etmir.
— Məhəbbətə baxmayaraq, bəzən imtina etmək ən doğru seçim ola bilər.
— Hər qadına uyğun bir kişi mütləq var. Ailə qurmaq və başınızın
uşaqlarınıza qarışma zamanı gəlib, lakin siz hələ də birini tapa
bilməmisinizsə, deməli, problem sizdə ola bilər.