Ata olmağa hazırsınızmı?

Ata ilə övlad arasında münasibətlərin təməli körpəlik dövründə qoyulur və bu günlər bir daha geri gəlməz. Ata, "İndi vaxtım yoxdur, onunla sonra maraqlanaram" deyərsə, özünü aldatmaqdan başqa bir şey etmir. Göz açıb-bağlayana qədər "kiçik körpə" məktəbə gedəcək, birinci sinif şagirdi olacaq, sonra orta məktəbi bitirəcək və gənc bir oğlan və ya qıza çevriləcək. Və uşaqlar bu yaşa çatdıqları zaman ataları ilə məsələləri bölüşməkdən xoşlanmırlar. Artıq atalar üçün də gec olur.
Ata uşağı ilə hələ kiçik ikən maraqlanmadığı üçün uşaq da böyüdüyü zaman atasının sözlərinə maraq göstərməyəcək. Ata ilə uşaq arasındakı bağ bir-birinə bağlı zəncir halqaları kimidir. Zəncirin bir halqası qoparsa, digər halqalar bir işə yaramaz.

Kişi xanımının hamilə olduğunu öyrəndikdə müdhiş bir qürur hissi keçirir. Ata olacağı hissi ona böyük həzz verir. Bu hisslərin altında nəslini davam etdirə biləcək birisinin olması qüruru vardır. Anadan olacaq körpənin şəxsiyyəti, hisslər dünyası və necə böyüdüləcəyi ikinci planda qalır. Kişilər arasında keçirilən "Uşaq sahibi olmaq sizdə nə ifadə edir?" sorğu anketinin nəticələrinə görə, kişilərin 90%-i "Nəslin davamı" cavabını vermişlər.
Ancaq ata olmağın məsulliyyəti bu deyildir...
Xoşbəxt bir uşaq yetişdirmək istəyən atalar övladlara çəkilən zəhməti analarla bölüşməlidirlər.

Ata olmağınız üçün kişi olmağınız yetərli deyil. Çətinliklərə sinə gərə biləcək, ailəsini qoruya, uşaqlarına sahib çıxa biləcək, bundan başqa xanımının və uşaqlarının ona ehtiyacı olması düşüncəsi ilə ümidləri yüksək olan bir ata olmalısınız.

Yaxşı bir mühəndis və ya müdir, müəllim, hakim və s. ola bilərsiniz, amma yaxşı ata olmağı da bacarmaq lazımdır. Xüsusilə də oğlan uşaqları təsirli bir ataya möhtacdırlar.

Özünüzü nə zaman boşluqda hiss edəcəksiniz...

İşdən evə qayıtdıqda sizi bir deyil, bir neçə nəfər gözləyir. Həm çox xoşbəxtsiniz, həm də beyninizdə fikirlər bir-birinə qarışıb. Yeni ata olmusunuz. Ananız, atanız, qaynana, qaynata, fasiləsiz evə gəlib-gedən qonaqlar... Xərclər də artıb, heç sizinlə maraqlanan yoxdur. Hər kəs xanımınızla və ailənizin yeni üzvü ilə maraqlanır və üstəlik, xanımınız da təbii olaraq əvvəlki kimi sizinlə maraqlana bilmir. Bəlkə də ən böyük boşluğu bu nöqtədə hiss edəcəksiniz.
Artıq işdən qayıtdıqda sizi gülərüzlə qarşılayan xanımınızın yerində, körpəsinə süd verən, yorğun, yuxusuz, əsəbi, gərgin bir qadın vardır. Bəzən kimsə sizə "Necəsən?" belə deməyəcək. Siz körpənin və evin ehtiyaclarını ödəyən "robot" olduğunuzu düşünə bilərsiniz. Xanımınızla baş-başa qalmaq fürsəti axtaracaqsınız, amma boş yerə. Çünki, xanımınızın körpə ilə məşğuliyyətindən sizə nə zamanı qalır, nə də gücü.
Körpə ele hey acır, altını bulayır və ağlayır. Xanımınızın gülər üzünü və şəfqətini gözləyərkən, onun hər keçən gün daha da gərgin olduğunu fərq edirsiniz. "Bu körpə olmasaydı" fikri belə ürəyinizdən keçə bilər. Xanımınızla keçirdiyiniz romantik zamanlar arxada qalmışdır və siz həmin atmosferi yarada bilməməyinizin rahatsızlığını yaşayırsınız.
Bax, belə anlarda yaxşı bir ata olmaq və xanımına, körpəyə dəstək olmaq səbir istəyir.
Uşağınız böyüdükdən sonra da bəzi nüanslar var ki, atalar bunları unutmamalıdırlar.
Bəzən atalar evin bütün ehtiyaclarını qarşılamaqla vəzifəsini bitmiş hesab edirlər. Evə döndükləri zaman uşaqların gurultusundan uzaq bir güşə axtarırlar, ya da "Sakit olun, mən çox yorulmuşam!" deyərək uşaqları susdururlar, analar isə daha çox gərginlik yaranmasın deyə uşaqları otaqlarına aparırlar.
Bu halda uşaqların gözündə hər zaman yorğun ata təsviri canlanır. Oğlan uşaqlarında bu, gələcəkdə ata olmaqdan qorxmaq, çəkinmək, istəməmək kimi hisslər yaradır.

Atalara məsləhət

1. Uşaqlarınızla beşikdəykən məşğul olun ki, xoşbəxt böyüsünlər.
2. Xanımlarınıza doğuşdan sonrakı zamanlarda çox dəstək olun, körpənin inkişafı üçün də bu vacibdir.

3. Uşaqlarınıza hər gün "Səni çox sevirəm" deməkdən usanmayın.