Iranın Teleradio şirkəti bununla bağlı Türkiyəyə şikayət məktubu ünvanlayıb
İran Teleradio şirkəti Türkiyənin tanınmış serialı - "Kurtlar Vadisi”ndə həqiqiəti əks etdirməyən anti-İran təbliğatının aparılmasına etiraz olaraq bu ölkənin Radio-Televiziya Ali Komissiyasına (RTÜK) şikayət edib. Şirkətin beynəlxalq məsələlər üzrə mərkəzinin direktoru Seyid Məhəmməd Hüseyni şikayət məktubunda deyib: "Məlum teleserialın bəzi hissələrində şəxsi çıxarışlar əsasında İranın İstanbuldakı konsulluğu və digər diplomatları barədə həqiqətə uyğun omayan, xoşagəlməz səhnələr nümayiş etdirilir. Belə saxta görüntülər uzun müddət ərzində Türkiyə əhalisi arasında mənfi auranın yaranmasına və eyni halda İran xalqının altenativ reaksiyasına gətirib çıxara bilər. Odur ki, belə hallar ciddi şəkildə və dəqiqliklə araşdırılmalıdır”.