Bəstəkar-müğənni Emin Ağalarov bu gün Moskvada "Rose Bar” adlı restoranda "Amor” klipinin təqdimatını keçirib. Gcə Los-Anceles küçələrində sirli gözəli axtaran Eminin romantik klipini Yana Rudkovskaya, Valeriya və İosif Priqojin, Viktoriya Lopıreva, Nataliya İonova, Katya Dobryakova, Darya Subbotina, Filipp Kirkorov kimi rus ulduzları qiymətləndiriblər. Klipdə baş qəhrəmanı oynayan "2012-ci il Dünya Gözəli”, 21 yaşlı Olivia Kulpo gözəlliyi və istedadı ilə təqdimat mərasimində ən çox diqqət cəlb edən olub. O, klipdə oynadığına görə Emin Ağalarova təşəkkür edib: "Klip çox şən keçdi. Mən rəqs etməyi və musiqini çox sevirəm. Emin çox istedadlıdır. Ona görə də mən bu mahnının bir hissəsi olmağıma şadam. Mən sadəcə bu sinqlə aşiq oldum”. Qeyd edək ki, Eminlə Olivia çəkiliş müddətində dostlaşıblar. Onlar əməkdaşlıqlarını davam etdirərək birlikdə mahnı yazıblar. Görünür ki, yaxın müddətdə daha bir kliplə ictimaiyyət qarşısına çıxacaqlar.