Serial azərbaycanlı oğlanla, erməni qızın eşqindən bəhs edəcək. Türkiyədə bir müddətdir gündəmdən düşməyən tanınmış aktrisa Məryəm Uzərli ilə bağlı yeni iddialar yayılıb. "Möhtəşəm yüzil” serialından ayrılaraq müalicə olunmaq üçün Almaniyaya gedən Məryəm Uzərlinin məşhur aktyor Kıvanc Tatlıtuğ ilə eyni serialda rol alacağı iddia edilib.

İddiaya görə, "Ay Yapım” şirkəti iki məşhur ulduzu eyni seriala çəkmək üçün danışıqlara başlayıb. Serialda azərbaycanlı oğlanla, erməni qızın eşqindən bəhs olunacaq.

Çəkilişlərinə 2014-cü ilin fevral ayında başlanılacaq serialın sentyabrda "Kanal D”-də yayımlanması planlaşdırılır.

mənbə: Anspress