Azərbaycanı bu müsabiqədə Samirə Akmanova təmsil edir.

Azərbaycanlı model Samirə Akmanova artıq Belarusa yola düşüb və sentyabrda Minskdə keçiriləcək Miss Supranational beynəlxalq gözəllik müsabiqəsində iştirak edəcək.
 
Qadınlar.biz vestiaz-a istinadən xəbər verir ki, dünən Milli gözəllik məktəbində müsabiqə iştirakçılarının ilk təqdimatları keçirilib, onlar həmçinin jurnalistlərin suallarını cavablandırıblar.
 
Samirə Akmanova Kazan Dövlət Maliyyə-İqtisadi İnstitutunun tələbəsidir.
 
O, Lyubov Qutorovanın Fashion Model School model agentliyində işləməklə yanaşı, həm də rieltordur, yəni, daşınmaz əmlakın alqı-satqısı və ya icarəsi ilə məşğul olur.
 
Qeyd edək ki, ən gözəl qız tacını daşımaq hüququ uğrunda 94 ölkədən nümayəndə iştirak edəcək. Qalib tacdan başqa 25 min dollar mükafat da alacaq.