"Şəxsi həyatınımda boşluqdur. Mən xaraktercə temperamentli bir insan olsam da, məni ram edəcək bir kişini sevə bilərəm. Elə bir kişi ki, o öz qətiyyəti, cəsarəti ilə digərlərindən seçilsin”.

Bunu gənc müğənni Afaq Aslan "musavat”a müsahibəsində deyib. O, bildirib ki, zəif kişiləri sevmir, elə bir adamla bir yerdə ola bilməz: "Mənim arzularımın kişisi qəhrəman olmalıdır. Arzularımın kralını axtarıram. Ancaq hələ ki, belə biri qarşıma çıxmayıb”.

A. Aslan deyib ki, sevgisiz yataq ola bilməz: "Mən sevmədən öz isti yatağımı başqası ilə paylaşa bilmərəm. Düşünürəm ki, sevgi olmayan yerdə yataq da yoxdur. Ümumiyyətlə mənim gecə həyatım yoxdur. Spirtli içkilər içmirəm, siqaret çəkmirəm, gecə klublarından, diskotekalardan uzaq, sağlam bir həyat yaşamağı sevirəm. Qadın ilk növbədə özünə hörmət etməyi bacarmalıdır. İçki içən, siqaret çəkən, sevgisiz öz yatağını başqası ilə paylaşan qadına kim hörmət qoyar?”.

Müğənni küçədə ona tez-tez söz atanların olduğunu da bildirib: "Bu bizim əsas yaralı yerimizdir. Kimsə bir az sərbəst geyinən kimi o dəqiqə onun haqqında müxtəlif söz-söhbətlər uydururlar ki, bu da bizim cəmiyyətimizin əsas problemidir. Ancaq bütün bunlar mənə təsir etmir, həmişə ötüb keçirəm. Başa düşürəm ki, mədəni insan heç vaxt bir xanıma geyiminə görə söz atmaz. Ona görə də ötüb keçməyə üstünlük verirəm. Hərə bir söz deyir. Hətta sosial şəbəkələrdə də söz atanlar olur, biri "ehtiraslı gözəl” deyir, digəri başqa söz deyir. Həmişə normal qəbul edirəm. Axı hər qadına da ehtiraslı demirlər. Qadın var gözəldir, ancaq ehtiraslı deyil, qadın da var ki, bir baxışı ilə kişilərin ağlını başından alır...”.