Müğənni Aysel Əlizadə "Səndən başqa” klipinin tanıtım videosunu yayımlayıb.
Qadınlar.biz-in məlumatına görə, ifaçının sözügedən ekran əsərinin rejissoru Teoman Topçudur. Bu barədə danışan Aysel klipin çox seviləcəyinə inandığını deyib: "İlk klipim "Ulduzlar”ı Teomana həvalə etdim və olduqca razı qaldım. Azərbaycanlı rejissorların istedadına inansam da, mən Teomanda özümü tapmışam və bundan sonra da onunla işbirliyimi davam etdirəcəyəm”. Klip oktyabrın ikinci yarısında təqdim olunacaq”.
Çəkilişin meşədə aparıldığını deyən müğənninin sözlərinə görə, klipdə ayrılıqdan bəhs edilir: "Heç kimə ayrılıq arzu etmirəm, lakin hər bir insanın həyatında belə məqamlar qaçılmazdır”. O , həmçinin vurğulayıb ki, yeni ekran əsəri şou-biznesin gündəmində olan digər kliplərlə eyni sırada dayanacaq.
Xatırladaq ki, "Səndən başqa” mahnısının sözləri Leyliyə, musiqisi isə İlkin Həsəniyə məxsusdur.