Qadınlar.biz-in məlumatına görə, sənətçi yeni klipi və fotosessiyası ilə bağlı şəkilləri mediadan gizli saxlamalıdır:
"Bir ara bəzi fotoları saytlara verdim. Bu, Türkiyədəki yaradıcı heyətin xoşuna gəlmədi. Dedilər, heç bir foto yayımlanmasın. Bütün materiallar noyabrda baş tutacaq təqdimatda ortaya çıxacaq".
Qızının dəfiləsindən danışan Rəqsanə vaxtın dəqiqləşməsinə mane olan səbəblərdən söz açıb:
"Aysunun dərsləri başlayıb, hər gün gedib-gəlir. Ona yalnız bircə gün icazə verirlər. Buna görə də dəfilənin vaxtını dəqiqləşdirə bilmirəm. Çünki gərək qızım ən az iki həftə müddətinə Bakıya gəlib, işlərlə məşğul olsun. Ona görə də uyğun vaxt axtarırıq. Bilirsiniz ki, dəfilə günü həm də Aysunun nişanı olacaq. Qızımın belə tez ailə qurmasını istəmirdim. Amma bu onun öz seçimidir".
Moskvada hüquq fakültəsində təhsil alan müğənni dərslərin çətin olduğunu etiraf edib:
"Noyabrda dərslərim başlayacaq. Oxumaq çox çətindir. Etiraf edim ki, mən pul gücünə təhsil alacam".