Bir müddət öncə əri, fransız aktyor Vensan Kassellə boşandıqlarını
elan edən 48 yaşlı italyan aktrisa Monika Belluçi boşanma xəbərinə
münasibət bildirib.
"Qafqazinfo”nun Rusiya KİV-nə istənadən verdiyi məlumata görə, 14
illik evliliyi boşanma ilə nəticələnən aktrisa "Vanity Fair” jurnalına
müsahibəsində bildirib ki, onların bu qədər müddətdə birlikdə yaşaması
böyük uğurdur: "Bizim şüarımız həmişə belə olub: "Bu gün biz
birlikdəyik, sabah isə baxarıq”. Birlikdə 14 il yaşamağımızın özü böyük
uğurdur. Və biz birlikdə sakit şəkildə qərar verdik ki, ayrıla bilərik.
Biz bir-birimizi sevməyə və hörmət etməyə davam edirik.
Tənhalıq da məni qorxutmur. Qızlarımdan ötrü həyatımı başqa bir
kişiylə bağlamaq məcburiyyətində deyiləm. Onların qayğısına özüm qala
bilərəm”.