"İndiki oğlanların əksəriyyətinin həyat tərzi başqadır. Həmyaşıdım olanlarla oturub söhbət edə bilmirəm. Fikirləri ancaq bahalı avtomobildə, brend geyimlərdə, gəzməkdədir. Bunları hamıya yox, əksəriyyətinə şamil edirəm.
Zəhmətkeş bir oğlanla ailə qurmaq istəyərəm. İndikilərə güvən yoxdur. Düzdür, insan hər bir şeyə vaxt ayırmalıdır: istirahətə, kluba, alış-verişə. Amma yerində.
Bunlarla yanaşı, çalışmağı da bilməlidir. Hazırda 22 yaşım var, 17 yaşımdan etibarən işləyirəm. Buna görə də belə birini arzulayıram. Əgər işləyib zəhmətlə pul qazanarsa, ailəsinin də qədrini bilər. Çalışmağı bacarmırsa, nə qədər varlı da olsa, onun üçün ailənin dəyəri qalmayacaq”.
/Qadınlar.Biz/