Bu günlərdə ailə qurması ilə bağlı xəbərlər gündəmdən düşməyən sənətçi Ayan Babakişiyeva şəxsi həyatından danışıb.

Müğənni açıqlamasında həyat yoldaşının ona bəxş etdiyi xoşbəxtlikdən söz açıb:

"Yeni il üçün bir çox şou-proqramdan təklif almışam. Amma bayramı ailəmlə, sevdiyim insanla keçirəcəm. Ona görə də heç bir dəvəti qəbul etmirəm. Ümumiyyətlə, mən şou-proqramlarda oxumuram. Yeni il günü ondan heç bir hədiyyə gözləmirəm. Çünki həyat yoldaşım həyatda mənə elə bir hədiyyə bağışlayıb ki, onu heç nə əvəzləyə bilməz. Bu onun böyük sevgisidir”.

"Toy hədiyyəsi olaraq həyat yoldaşınız sizə nə verdi” sualına isə Ayan belə cavab verib:
 
"O hədiyyənin nə olduğunu heç vaxt deyə bilmərəm. Gözə gəlməkdən qorxuram. Bir onu bildirim ki, çox dəyərlidir”.