Türkiyəli aktrisa Pelin Karahan ilə pilates məşqçisi Erdinç Bəkiroğlunun boşanmasının səbəbi bilinib.
Qadınlar.biz xəbər verir ki, cütlüyün ayrılmasına səbəb qısqanclıq olub. Belə ki, dini təriqətlərdən birinə yaxın olduğu iddia edilən Bəkiroğlunun "Evində otur, aktrisalığı burax” tələbi Karahanı özündən çıxarıb. Hətta aktrisanın dərgilərin fotosessiyalarında iştirak etməsi belə həyat yoldaşının narazılığına səbəb olurmuş. Son olaraq Pelinin "Möhtəşəm yüz il”dən gələn dəvəti qəbul etməsi, cütlüyün boşanmasına gətirib çıxarıb. Dünya görüşlərinin fərqli olduğunu əsas gətirən tərəflər məhkəməyə müraciət edərək iki illik evliliklərinə son qoyublar.