Xalq artisti Aygün Kazımovanın qızı İlqarə Kazımova kameraya düşməkdən çəkinir.
Qadınlar.biz-in məlumatına görə, tədbirlərin birində media nümayəndələrinin onu görüntüləməsinə əsəbiləşən və bundan narahat olan İlqarə "Star panorama” verilişinə bununla bağlı müsahibə verib:
"Dj Kazımın ad günündə anamgilin masasında əyləşmişdim. Bütün kameralar çəkirdi, bu da məni narahat edirdi, sıxılırdım. Onları başa düşürəm, masa ətrafında Faiq Ağayev, Aygün Kazımova əyləşib, onları görüntüləməlidirlər”.
İlqarə yeni mahnılar üzərinə çalışdığını da bildirib:
"Bir neçə yeni mahnı hazırlayıram. Yəqin ki, ilk olaraq lirik bir əsər təqdim edəcəyəm. Özümü Avropa ölkələrində görürəm”.