Dünən aparıcı Vüsalə Əlizadənin qızı Diləyin 2 yaşı tamam olub.
Qadınlar.biz-in məlumatına görə, teleaparıcı qızının ad gününü şəhərin dəbdəbəli restoranlarından birində qeyd edib. Gecəyə sənət aləminin tanınmış simaları qatılıb.
Aparıcılığını İlahə Nizamiqızının etdiyi mərasimdə xalq artisti Flora Kərimova, Məleykə Əsədova, müğənni Samir Piriyev, Xatirə İslam, Sevda Yahyayeva, Elçin Cəfərov, Elton Hüseynəliyev, Yaşar Yusub, Aşıq Samirə Əliyeva, aparıcılar Vüsalə Kərimova, dicey Kazım Sübhan və başqaları iştirak edib. Şou-biznes nümayəndələri sevilən mahnılarını səsləndirib.
Maraqlı anların yaşandığı gecədə Vüsalə qızı haqqında danışarkən göz yaşlarını saxlaya bilməyib. "Mən həyata üç dəfə gəlmişəm. İlk dəfə doğum günümdə, ikinci, anamın öz canından bir parçanı mənə verib, həyata qaytardığı gün və nəhayət, qızımı dünyaya gətirdiyim an. Dilək mənim ən dəyərli varlığımdır” sözləri qonaqları da kövrəldib.