Teleaparıcılar Zaur və Günay Baxşəliyevlərin təqdim etdiyi "Məni
yarımdan soruş” proqramının növbəti buraxılışı da maraqlı olacaq.
Manşet.Az xəbər
verir ki, bu barədə layihənin mətbuat katibi Faiq Ələkbərov bildirib.
Onun sözlərinə görə, teleaparıcılar maraqlı situasiyalar ilə
tamaşaçıları təəccübləndirəcəklər:
"Avtomobil və ən bahalı
hədiyyələr uğrunda mübarizə aparan cütlükləri əvvəlcə verilişin
aparıcıları Zaur və Günay istiqamətləndirir. Növbəti verilişdə Zaur
Baxşəliyevin göbək rəqsi yalan olacaq. Zaurun daha inanılmaz
hərəkətlərini gözləyin. Layihənin növbəti həftəsində cütlükləri daha
ağır sınaqlar gözləyir. Zaur Baxşəliyev dikdabanda gəzməyə, Günay xanım
alnında olan ürəkli şokolada toxunmadan onu həyat yoldaşı Zaurun alnına
qoymağa çalışacaq. Bundan əlavə, ağır atletika ilə heç vaxt məşğul
olmayan Zaur və Günay ağır ştanqı neçə saniyə havada
saxlayacaq?Tamaşaçılar bu suallara fevralın 24-ü axşam saat 21:40-da ATV
kanalında izləməklə cavab tapa biləcəklər. Layihədə iştirak etmək
istəyən ailəli və nişanlı cütlüklər www.meniyarimdansorus.com saytından
qeydiyyatdan keçə bilərlər”.
Qeyd edək ki, "Azad Azərbaycan”
Müstəqil Teleradio Kompaniyası (ATV) və "Renk Medya”nın birgə layihəsi
olan "Məni yarımdan soruş” hər həftənin bazar ertəsi saat 21:40-da
nişanlı və ailəli cütlüklərin maraqlı çıxışları ilə hər kəsi ekrana
bağlayacaq.