Müğənni Elvin Abdullayev 106.3 FM-də yayımlanan "Muleyli" şousuna telefonla bağlanıb.

Manşet.Az xəbər verir ki, bu gün ailə quracaq sənətçi bir gün əvvəl səhhətinin pisləşdiyini açıqlayıb:

"Dünən səhhətim birdən-birə pisləşdi. Güclü sancılarım başladı. Gecəyarısı xəstəxanaya apardılar. Şükürlər olsun ki, hər şey qaydasına düşdü. İndi özümü yaxşı hiss edirəm".

Toyundan bəhs edən E. Abdullayev sənətçi dostlarına təşəkkürünü bildirib:

"Bütün sənət dostlarıma "çox sağ ol" deyirəm. Əziyyətlərini halal etsinlər. Bu gün hər şeyin gözəl olacağına inanıram. Çünki belə dostların əhatəsində başqa cür ola bilməz".

Qeyd edək ki, Elvin Abdullayev bu gün ATV telekanalının rejissoru Afət Mehdiyeva ilə ailə quracaq.