Ötən ay Bakının qonağı olan türkiyəli müğənni Tuğba Ekinci vətəninə qayıtdıqdan sonra Azərbaycan manatının fotolarını paylaşaraq, burada çoxlu qonorar aldığını bildirmişdi.
Manşet.Az-ın məlumatına görə, sənətçinin bu yalanını müğənni Rəqsanə İsmayılova üzə çıxardıb. Rəqsanə ANS telekanalında yayımlanan "Şoubiz” verilişinə açıqlamasında Tuğbanın Azərbaycandan pul qazanmadığını deyib:
"O məsələdən sonra Tuğba ilə danışdım. Özü mənə dedi ki, fotoları internetdən götürərək paylaşıb. O pul özünün deyildi. Son vaxtlar onun oxumasına çox "ilişdilər". Tuğba Azərbaycana pulsuz gəlmişdi. Burada bir məclisdə dost kimi qonorarsız çıxış etdi. Bakıdan da əliboş qayıtmışdı”.