Qadınlar.Biz-in məlumatına görə bəstəkar Tural Bakuvi "Nostalji" adlı yeni instrumental kompozisiyasını təqdim edib.
Bəstəkarın dediyinə görə bu dəfə əvvəlki kompozisiyalardan tam fərqli bir formalı, retro-romantik Avropa kompozisiyalarını xatırladan bir kompozisiya ortaya çıxıb.
Saksafon-gitara dueti üzərində qurulmuş kompozisiyanın saksafon partiyaları Fərid Ağayevə, gitara partiyaları Ramal Rəsula, orkestr partiyası isə İsmayıl Əlizadəyə aiddir. Aranjman və səsləndirilmə işlərini də Ramal Rəsul həyata keçirib.