"Bakı-2015” ilk Avropa Oyunlarına bir il qalması ilə bağlı geriyə sayımın başlanması münasibətilə iyunun 11-də Dənizkənarı Milli Parkda möhtəşəm tədbir keçirilib.
Qadınlar.Biz AzərTAc-a istinadən xəbər verir ki, tədbir çərçivəsində xüsusi su şousu, lazer effekti və konsert proqramı olub.
Sonda atəşfəşanlıq təşkil edilib.
Şou proqram və atəşfəşanlıq paytaxt sakinlərində və qonaqlarda xoş ovqat yaradıb.
Qeyd edək ki, birinci Avropa Oyunları 2015-ci il iyunun 12-dən 28-dək keçiriləcək. Bu oyunlar 19 idman növünü əhatə edəcək. Bunlardan 16-sı Olimpiya idman növü, üçü qeyri-olimpiya idman növü olacaq. Altı mindən artıq idmançının mübarizə aparacağı "Bakı-2015”də səkkiz idman növü 2016-cı il Rio de Janeyro Yay Olimpiya Oyunları üçün təsnifat xarakteri daşıyacaq.