"İnşallah qızlarım yenidən ailə quracaqlar. Bu həyatda heç kimsə tək, subay və ya arvadsız, ərsiz qalmayıb. Nə çox oğlan var”.

Qadınlar.Biz xəbər verir ki, bu sözləri Lent.az-a əməkdar artist Almaz Ələsgərli qızlarının şəxsi həyatından söz açarkən deyib. O bildirib ki, qızları yenidən ailə quracaq:

"Hər bir insanın şəxsi həyatı toxunulmazdır. O cümlədən də mənim və qızlarımın. Qızlarıma inanıram. Və onlara görə rahatam. Hər ikisinə qurban olaram. Onların şəxsi həyatı ilə özümü reklam etdiyimi deyənlər də var. Onlara demək istəyirəm ki, siz qələt edirsiniz. Mən hər zaman gündəmdəyəm. Qızlarım balaca olanda da mən gündəmdə idim. Bu gün də gündəmdəyəm. Daim telekanalların öz maraqları olub deyə qızlarımı çəkiblər. Amma mən bunun tərəfdarı olmamışam. İnşallah, yenidən ailə quracaqlar. Amma deyə bilmərəm nə vaxt. Qismətləri nə zaman olsa, ailə quracaqlar”.